Shri Hanuman Chalisa

Jaya Hanumāna jñāna guna sāgara,

jaya kapīsa tihun loka ujāgara.

Rāma dūta atulita bala dhāmā,

Añjani-putra Pavanasuta nāmā.

Mahāvīra vikrama Bajaraṅgī,

kumati nivāra sumati ke saṅgī.

Kañchana varana virāja subesā,

kānana kuṇḍala kuñchita kesā.

Hātha vajra au dhvajā virājai,

kāndhe mūñja janeū sājai.

Śaṅkara suvana Kesarī nandana,

teja pratāpa mahā jaga vandana.

Vidyāvāna gunī ati chātura,

Rāma kāja karibe ko ātura.

Prabhu charitra sunibe ko rasiyā,

Rāma Lakhana Sītā mana basiyā.

Sūkṣma rūpa dhari Siyahi dikhāvā,

vikaṭa rūpa dhari Laṅka jarāvā.

Bhīma rūpa dhari asura sanhāre,

Rāmachandra ke kāja sanvāre.

Lāya sajīvana Lakhana jiyāe,

Śrī Raghubīra haraṣi ura lāe.

Raghupati kīnhī bahuta baṛāī,

tuma mama priya Bharatahi sama bhāī.

Sahasa vadana tumharo jasa gāvain,

asa kahi Śrīpati kaṇṭha lagāvain.

Sanakādika Brahmādi munīsā,

Nārada Sārada sahita Ahīsā.

Yama Kubera digapāla jahān te,

kavi kovida kahi sake kahān te.

Tuma upakāra Sugrīvahi kīnhā,

Rāma milāya rāja pada dīnhā.

Tumharo mantra Vibhīṣaṇa mānā,

Laṅkeśvara bhae saba jaga jānā.

Yuga sahasra yojana para bhānū,

līlyo tāhi madhura phala jānū.

Prabhu mudrikā meli mukha māhīn,

jaladhi lāṅghi gae acharaja nāhīn.

Durgama kāja jagata ke jete,

sugama anugraha tumhare tete.

Rāma duāre tuma rakhavāre,

hota na ājñā binu paisāre.

Saba sukha lahai tumhārī saranā,

tuma rakṣaka kāhū ko daranā.

Āpana teja samhāro āpai,

tīnon loka hāṅka ten kāṅpai.

Bhūta piśācha nikaṭa nahin āvai,

Mahāvīra jaba nāma sunāvai.

Nāsai roga harai saba pīrā,

japata nirantara Hanumata vīrā.

Saṅkaṭa ten Hanumāna chuṛāvai,

mana krama vachana dhyāna jo lāvai.

Saba para Rāma tapasvī rājā,

tina ke kāja sakala tuma sājā.

Aura manoratha jo koī lāvai,

soi amita jīvana phala pāvai.

Chāron yuga paratāpa tumhārā,

hai parasiddha jagata ujiyārā.

Sādhu santa ke tuma rakhavāre,

asura nikandana Rāma dulāre.

Aṣṭa siddhi nau nidhi ke dātā,

asa vara dīna Jānakī Mātā.

Rāma rasāyana tumhare pāsā,

sadā raho Raghupati ke dāsā.

Tumhare bhajana Rāma ko pāvai,

janama janama ke dukha bisarāvai.

Anta kāla Raghubara pura jāī,

jahān janma Haribhakta kahāī.

Aura devatā chitta na dharaī,

Hanumata sei sarva sukha karaī.

Saṅkaṭa kaṭai miṭai saba pīrā,

jo sumirai Hanumata balabīrā.

Jaya jaya jaya Hanumāna Gosāī,

kṛpā karahu Gurudeva kī nāī.

Jo śata bāra pāṭha kara koī,

chūṭahi bandi mahā sukha hoī.

Jo yaha paṛhai Hanumāna Chālīsā,

hoya siddhi sākhī Gaurīsā.

Tulasīdāsa sadā Hari cherā,

kījai Nātha hṛdaya mahan ḍerā.